بقالي مدة لا أكتب شيئا ولما قررت أكتب لقيتني عايز أكتب بالعربي. بقالي كتير نفسي أتكلم في السياسة بس كل ما أفتح الموضوع بخرج من الحوار يا اما سفيه مش فاهم حاجة, أو كافر عدو لله وللرسول ومش عايز شريعتهم تتنفذ. وبما ان المدونة لا يتابعها أحد (ساعات بحمد ربنا علي الموضوع دا) فا دي فرصة عظيمة ليا ان أنا أبعبع وأخرج اللي في نفسي.
أنا أقلية... دوما... دور علي فين الأقلية تلاقيني دائما... حتي في البيت عندي بقيت أقلية لأني أنا الوحيد اللي مش همه البلد تولع ومش فارقة معاه الاستقرار, مش فاهم اسقرار ايه اللي أبويا وأخويا بيتكلموا فيه؟ أينعم أنا لسة مشتغلتش بس ماشفتش حد اطرد من شغله مثلا عشان فيه ثورة. احنا بيت لم يتأثر سلبيا خالص بالثورة. داحنا حتي عايشين بعيد عن بؤرة الأحداث ومش حاسين حتي بالزحمة... أمال أبويا وأخويا بيشتكوا من ايه؟
كنت برده أقلية لما وقفت في صف ساويرس بعد موضوع ميكي أبو لحية. مش لأن ساويرس ماغلطش , لأ أنا شايفه انه غلط, بس هو ماغلطش في الاسلام (هو مجنون؟) هو يمكن غلط في المسلمين... وطبعا مش لازم أوضح الفرق بين الاثنين. ما كنتش مع ساويرس علي قد ما كنت ضد اللي بيهاجموه. كان واضح أن الهجوم عليه سببه سياسي مش ديني خالص. وكمان لأني شايف اني كأغلبية مسلمة (الحمد لله أغلبية مرة في حياتي) لازم يكون عندي من مقدار من الصبر تجاه الأقلية وأكون أنا اللي باخد الموضوع بتعقل بعيدا عن التهويل.
كنت أقلية يوم ما قولت لأ للتعديلات الدستورية وكان كل اللي حوليا في اللجنة في مصر الجديدة بيقولوا لأ وطلعت منها بقول النتيجة 90% لا. بعديها طلعت النتيجة وطلع واحد يقول اللي مش عاجبه النتيجة يطلع بره. ولما جيت أشتمه قالولي دا شيخ وعلامة و (بيهزر) .... اشمعنا ساويرس هو اللي مش بنقبل هزاره؟
ودلوقتي بما اني أقلية شايف ان لازم نعمل وثيقة المبادئ الحاكمة للدستور. ببساطة عشان نعمل دستور يرضي الجميع. الفكرة في الدستور مش ان الأغلبية تبلطج علي الأقلية وتلغي رأيهم يعني. مش بس المسيحيين أقلية في فمصر أقليات كتير مهمشة يعني النوبيين مثلا, أهالي الصعيد, متحدي الاعاقة, وغيرهم لازم يكون ليهم رأي في الدستور بحيث يرضيهم كاملا في شكله النهائي.
أنا أقلية... دوما... دور علي فين الأقلية تلاقيني دائما... حتي في البيت عندي بقيت أقلية لأني أنا الوحيد اللي مش همه البلد تولع ومش فارقة معاه الاستقرار, مش فاهم اسقرار ايه اللي أبويا وأخويا بيتكلموا فيه؟ أينعم أنا لسة مشتغلتش بس ماشفتش حد اطرد من شغله مثلا عشان فيه ثورة. احنا بيت لم يتأثر سلبيا خالص بالثورة. داحنا حتي عايشين بعيد عن بؤرة الأحداث ومش حاسين حتي بالزحمة... أمال أبويا وأخويا بيشتكوا من ايه؟
كنت برده أقلية لما وقفت في صف ساويرس بعد موضوع ميكي أبو لحية. مش لأن ساويرس ماغلطش , لأ أنا شايفه انه غلط, بس هو ماغلطش في الاسلام (هو مجنون؟) هو يمكن غلط في المسلمين... وطبعا مش لازم أوضح الفرق بين الاثنين. ما كنتش مع ساويرس علي قد ما كنت ضد اللي بيهاجموه. كان واضح أن الهجوم عليه سببه سياسي مش ديني خالص. وكمان لأني شايف اني كأغلبية مسلمة (الحمد لله أغلبية مرة في حياتي) لازم يكون عندي من مقدار من الصبر تجاه الأقلية وأكون أنا اللي باخد الموضوع بتعقل بعيدا عن التهويل.
كنت أقلية يوم ما قولت لأ للتعديلات الدستورية وكان كل اللي حوليا في اللجنة في مصر الجديدة بيقولوا لأ وطلعت منها بقول النتيجة 90% لا. بعديها طلعت النتيجة وطلع واحد يقول اللي مش عاجبه النتيجة يطلع بره. ولما جيت أشتمه قالولي دا شيخ وعلامة و (بيهزر) .... اشمعنا ساويرس هو اللي مش بنقبل هزاره؟
ودلوقتي بما اني أقلية شايف ان لازم نعمل وثيقة المبادئ الحاكمة للدستور. ببساطة عشان نعمل دستور يرضي الجميع. الفكرة في الدستور مش ان الأغلبية تبلطج علي الأقلية وتلغي رأيهم يعني. مش بس المسيحيين أقلية في فمصر أقليات كتير مهمشة يعني النوبيين مثلا, أهالي الصعيد, متحدي الاعاقة, وغيرهم لازم يكون ليهم رأي في الدستور بحيث يرضيهم كاملا في شكله النهائي.
وبعدين هما السلفيين خلاص واثقين انهم هيفوزوا؟ افرض المسيحيين عملوا معجزة وأخدوا أغلبية ؟ يبقالهم الحق يطلعوا عين اللي جابونا بقي؟ بس صحيح احنا عمرنا ما بنحط نفسنا في مكان غيرنا. اللي بيعمله السلفيين والاسلاميين دلوقتي هو قمة الديكتاتورية.
علي العموم...شعور الأقلية شعور جميل. الأقلية دايما بيبقوا شايفين الدنيا من منظور أوسع وأصدق. بأحسد المسيحيين حقيقي علي الحتة دي. علي العموم المسلمين أقلية في العالم فا ملحوقة...
زى ما قال عمر خالد اننا نبص لاى حاجه من الناحيتين و بعدين نحكم :))
ReplyDeleteزى ما قال عمرو خالد اننا نبص لاى حاجه من الناحيتين و بعدين نحكم :))
ReplyDeleteأيوه بظبط كده
ReplyDeleteملحوظة فكرتني بأيام: زي ما قال الريس... منتخب مصر كويس... تكونش فلول؟ :)